Faustino Zapico

Información

Esti artículu ye del 21 Sep 2011, y ta dientro de la sección L'Arcu de Texu, Les Noticies.

Etiquetes pa esta entrada

, , , , ,

Reformes

José Luis Rodríguez Zapatero y Mariano Rajoy BrizTaba seguru de que Zapatero nun diba defraudanos. Taba clara la so voluntá reformista y socialdemócrata cuando anunció en 2004 qu’había que reformar la Constitución del 78. Lo raro ye que, mira tu qu’hai coses pa reformar na carta magna, namás quería facelo pa quitar la preeminencia masculina na sucesión al tronu, por si Felipe de Borbón y Letizia Ortiz tenín un nenu varón que pasara per delantre de la guah.a mayor.

Por suerte, esa ocurrencia quedó pa prau. Y mira tu que, cola lexislatura dando les boquiaes, cola fecha puesta dende hai más d’un mes pa les nueves elecciones, Rodríguez Zapatero anuncia la traca final de la lexislatura: una reforma constitucional, amarrada col PP, y ensin referéndum. Caro que, yá puestos a reformar, podríemos falar de reformar la forma d’Estáu y poner la República, o la estructura del propiu Estáu y facer qu’esa república seya federal, previu reconocimientu constitucional del derechu d’autodeterminación. Podríemos tamién meter nel articuláu que l’estáu español renuncia a la guerra como preséu de política esterior, y polo tanto salir de la OTAN. Tamién podríemos afitar el calter laicu del Estáu, prohibiendo la financiación pública de cualisquier confesión, o poner na constitución que la banca tien de ser pública, o la nacionalización del subsuelu, o desenrrollar artículos de forma garantista pa facer rialidá los presuntos derechos al trabayu o a la vivienda, o que los referéndum seyan vinculantes y convocables por más instancies que’l gobiernu central.

Pues mira tu que non, que la reforma nun ye nenguna d’eses, pero. Eso sí, ye garantista: pretende poner un techu de déficit públicu, pa pone-y les coses más fáciles tovía al PP pa metenos un segundu axuste, tan xabaz y tan radical como’l griegu. Esa ye la herencia reformista de Zapatero. Gracies, ZP, sabía que nun dibes defraudanos.

[Les Noticies 29/08/2010]

Contestar

Deberíes tar autentificáu pa poder comentar.

Actualizaciones recientes

Comentarios más recientes