Faustino Zapico

Información

Esti artículu ye del 22 Sep 2011, y ta dientro de la sección L'Arcu de Texu, Les Noticies.

Etiquetes pa esta entrada

,

Recortes

Recortes nel enseñu públicu madrilanu y de Castiella Sur. Demagoxa y hipocresía echando a la xente encima los profesores de secundaria que protesten pola xuba d’hores de docencia directa de 18 a 20, dando a entender qu’esa ye la totalidá de la xornada llaboral. 3.500 interinos van a la cai esti añu solo en Madrid. L’añu pasáu fueron 2.200. En total, cerca de 6.000 menos con una población escolar que sigue xubiendo. Amenaza de movilizaciones, que nin siquiera pasen per una xornada de fuelga. Llega la conseyería d’educación y desactiva la protesta, ufriendo un complementu salarial a los que tengan qu’asumir la xuba d’hores. Menos compañeros son más alumnos en clase y más hores de trabayu tutorando, corrixendo y programando, pero si me lo paguen ¿A quién-y importa que pierdan el puestu de trabayu miles de compañeros? Depués de too, baxáronme’l sueldu l’añu pasáu, asina que con esto recupero lo que perdí. Los demás, que s’aguanten. Siempre-yos quedará dalguna sustitucionuca perhí.

N’Asturies de momentu llibramos. Por dos razones. Una, que’l recorte grande yá lu fexo’l gobiernu PSOE-IU l’otru añu, dexando na cai a más de 600 docentes. Y dos, que’l nuevu gobiernu prefier nun entamar una guerra escolar anantes de les elecciones xenerales. Depués, cuando gane’l PP y garre’l gobiernu central, vendrá una nueva baxada de sueldu y nuevos ataques a la escuela pública, pero’l gobiernu asturianu podrá recortar diciendo que son órdenes de Madrid. Echando la culpa a los que tuvieron y a los que van vinir, FAC pue paecer la parte inocente. En tou casu, güei, tovía hai 300 profesores y maestros menos que’l cursu pasáu, a falta d’una nueva convocatoria d’interinos. Movimientos tácticos al rodiu de la escuela pública, mientres se prepara una nueva ofensiva. La solución, o ye colectiva o nun ye.

[Les Noticies 13/09/2011]

Contestar

Deberíes tar autentificáu pa poder comentar.

Actualizaciones recientes

Comentarios más recientes