Faustino Zapico

Información

Esti artículu ye del 13 Oct 2011, y ta dientro de la sección L'Arcu de Texu, Les Noticies.

Etiquetes pa esta entrada

, ,

Papeles

El gobiernu asturianu reclama los documentos asturianos incautaos en Cataluña que taben nel Archivu de Salamanca, y qu’agora van devolver a la Generalitat. Yá avagaba, hai que dicir, que’l gobiernu asturianu reclamara lo que ye padremuñu, sigún los casos, tanto de particulares y organizaciones –ente elles el PSOE- como del conxuntu de los asturianos. El Director Xeneral d’Archivos, Rogelio Blanco, echa pel gobiernu del Principáu diciendo qu’esa reclamación ye demagóxica, yá que tenía que facese primero del 1 de xineru de 2011. Mui guapo, de nun ser porque daquella quien gobernaba n’Asturies y nun los pidió fueron los d’él, el PSOE.

Que’l PSOE nun reclame p’Asturies los fondos que-y robaron tanto al propiu partíu como los que yeren d’una institución qu’ellos presidieron, el Conseyu d’Asturies y Llión ye una vergoña. Que’l FAC los reclame agora, cuando la gran mayoría de los qu’ellí militen taben va años nel PP bramando escontra la devolución fai sonreir, anque bono ye que la xente rectifique, y que lo faga cuando ta nel gobiernu y non na oposición. En tou casu, nun ye aplicable esta afirmación pa Emilio Marcos Vallaure, que nel pocu tiempo que lleva nel cargu ta amosando ser lo que ye: el conseyeru de Cultura d’Asturies.

¿Quién pue pretendese demócrata y defender esi archivu de la vergoña que ye’l de Salamanca? ¿Acasu quier escaecese que foi criáu con fines punitivos, esto ye, pa identificar a les potenciales víctimes de la represión? ¿Va perdese l’archivu porque se restituyan los orixinales a los sos lexítimos propietarios y quede una copia dixitalizada en Salamanca? ¿Por qué el PSOE defende una cosa en Cataluña y otra n’Asturies, y entrambes males pal –nuestru país-? ¿Y los que fueron socios del PSOE toos estos años y nun gorgutaron, porque siguen callando como afogaos?

Contestar

Deberíes tar autentificáu pa poder comentar.

Actualizaciones recientes

Comentarios más recientes