Faustino Zapico

Información

Esti artículu ye del 08 Aug 2011, y ta dientro de la sección L'Arcu de Texu, Les Noticies.

Etiquetes pa esta entrada

, , , , , ,

Noruega

Risa da, por nun dicir otra cosa, ver a Alfredo Pérez Rubalcaba aconseyando a los noruegos qué facer énte l’ataque terrorista que dexó esti día 93 muertos: “firmeza democrático”, diz quien formó parte de los gobiernos del GAL, y permítese dar llecciones a los laboristes noruegos que, por muncho que se los pueda criticar (tener tropes n’Afganistán, por exemplu), nunca tuvieron enllamuergaos nos casos de
corrupción y terrorismu d’estáu que tanto-y presten al PSOE.

¿Qué ye Anders Behring Breivik, más qu’un productu de la derecha ochentera, amiestu de neolliberalismu y mieu a la inmigración? Que’l so discursu, defensor de lo qu’él talanta por una Europa cristiana, se paeza tanto a lo qu’un día sí y otru tamién se diz dende les tertulies d’Intereconomía nun ye casual. Por eso la prensa de derecha -de derecha confesa, quiero dicir- perriba de la condición nacionalista europea, cristiana, islamófoba, patriarcalista y ultraconservadora de Breivik, tien de
rescamplar que ye protestante y masón. La cuestión ye si la condición de masón de Breivik influyó daqué nes sos acciones ¿Acasu una organización qu’históricamente defendió la tolerancia relixosa y los derechos humanos ye la instigadora de les acciones del criminal noruegu? ¿Yelo por ser luteranu? ¿O más bien por ser d’ultraderecha y islamófobu, y ver nel Partíu del Trabayu noruegu un ñeru de marxistes multiculturalistes enemigos de la Europa cristiana, cosa que por cierto ye esactamente lo mesmo que la derecha confesa d’esti país, dende Esperanza Aguirre a Intereconomía y La Razón, diz que ye’l PSOE?

Les idees semen les acciones. Breivik ye’l resultáu de décades de discursu paranoide de la derecha europea, que mazcara d’islamofobia lo que ye puru racismu. La cuestión ta en cuantos Breivik ta semando esa derecha xabaz, lliberal-conservadora y católica qu’hai al sur de los Pirineos dende les sos tribunes cargaes de puxarra ideolóxica.

[en Les Noticies 5/08/2011]

Contestar

Deberíes tar autentificáu pa poder comentar.

Actualizaciones recientes

Comentarios más recientes