Faustino Zapico

Información

Esti artículu ye del 21 Oct 2010, y ta dientro de la sección L'Arcu de Texu, Les Noticies.

Etiquetes pa esta entrada

, , ,

Nerón

Vicente álberto Álvarez ArecesL’emperador Nerón perdió’l poder nel añu 68 por un güelpe militar nel que participaron, ente otros, la so guardia pretoriana. Nerón acabó faciéndose matar por un esclavu pa nun cayer presu mientres dicía “¡¡Qué gran artista muerre conmigo!!”. Depués, hubo trés emperadores nun añu, y toos trés morrieron asesinaos, hasta que llegó Vespasiano con otru güelpe militar y entamó una nueva dinastía.

El Nerón asturianu del sieglu XXI tuvo una salida más honrosa: esa guardia pretoriana que ye la somarquía, o lo que queda d’ella, retorció-y el brazu al presidente y obligólu a nun se presentar pa da-y pasu a Javier Fernández. Poco bono pue dicise del Areces del PSOE: excomunista beneficiáu pola fronda qu’achuquinó a Manuel Palacio, primer y únicu alcalde socialista de Xixón, pa ponese él nel sillón de 1987 a 1999. Depués, catapultáu pola crisis interna del PP, recupera en 1999 el gobiernu asturianu pa la FSA-PSOE. Y hasta güei. D’él quédanos la obsesión poles obres faraóniques, el monocultivu enerxéticu, la incapacidá absoluta pa xenerar alternatives productives depués del esmantelamientu de la industria y el campu asturianos. Quédanos tamién la corrupción y el clientelismu, anteriores a él pero aumentaes nos sos mandatos, y la obsesión provinciana, espeyada nel despreciu pola llingua y por tolos elementos identitarios d’esti país del que ye presidente. Esi ye ún de los problemes, qu’Areces, pesie a la so megalomanía y soberbia neroniana, nun se vía a sí mesmu como presidente non yá d’un país milenariu, con instituciones preesistentes a les propies españoles, sinón nin siquiera d’una comunidá autónoma de tercera. Areces ye’l presidente d’una diputación provincial, y yera feliz mientres-y valiera pa siguir llenando’l bolsu. Una fronda nel PSOE llevólu a l’alcaldía de Xixón en 1987. Otra fronda échalu del poder. Eso sí, ensin sangre. Esti Nerón tuvo más suerte.

Contestar

Deberíes tar autentificáu pa poder comentar.

Actualizaciones recientes

Comentarios más recientes