Faustino Zapico

Información

Esti artículu ye del 24 May 2011, y ta dientro de la sección L'Arcu de Texu, Les Noticies.

Etiquetes pa esta entrada

,

Migoya

Ana Rosa Migoya,  Jose Luis RiopedreYe evidente que son munches les persones de la llamada clase política que cumplen con tolos tópicos asociaos a esta condición: actividá profesional desconocida fuera de los cargos políticos, formación previa bien probe, capacidá innata pa medrar dientro del partíu aprovechando les lluches internes del mesmu gracies a unos bonos padrinos a los que traicionar depués en porgüeyu de padrinos mayores, etc. Ana Rosa Migoya entra dafechu nesa categoría, dende’l so pasu pela conceyalía de Cultura de Piloña va venti años hasta la so condición actual de Conseyera d’Alministraciones Públiques y Vocera del gobiernu asturianu. Munchos son los cálabres políticos qu’hubo que dexar pel camín, munchos los cambios de posición sigún interesara, munchos los de patronalgu, pero ehí llegó, a ser la superconseyera del gobiernu de Nerón, que vació de competencies la Conseyería d’Educación p’acaparales ella, tan llista, tan capaz, tan honesta.

Esta ciudadana, que se fexo la despistada cuando bona parte de los sos subordinaos acabaron presos por un escándalu de corrupción del que tovía nun sabemos hasta ónde llega, y que s’escudó nel secretu del sumariu pa nun comparecer énte la Xunta Xeneral a desplicar cómo ye posible que pasaren eses coses baxo les sos órdenes, diz agora que nun-y da la gana facelo, cuando yá nun hai escuses, cuando yá nun queda sida nenguna a la que se garrar. Cuenta con que, acabada la lexislatura, acaben con ella les responsabilidaes polítiques polo que pasó.

Cuando’l diputáu del Bloque por Asturies Roberto Colunga desixe la so comparecencia, y entruga cómo ye posible que desapaeza l’ordenador del despachu de Marta Renedo, sal toa esprecetada, inflada como una xaronca, diciendo que quién ye esi diputáu pa dicí-y nada a ella, tan llista, tan capaz, tan honesta, y que menos mal que llega’l 22 de mayu pa poner les coses en so sitiu. A ver si d’esta ye verdá, a ver si la ponen, la ponemos, nel so sitiu, que nun ye otru que la fila del INEM.

[Les Noticies, 20/05/2007]

Contestar

Deberíes tar autentificáu pa poder comentar.

Actualizaciones recientes

Comentarios más recientes