Faustino Zapico

Información

Esti artículu ye del 07 Sep 2010, y ta dientro de la sección L'Arcu de Texu.

Etiquetes pa esta entrada

, , , , ,

L’otru ERE

Concentración de los sindicatos d'educación en contra del Plan d'EvaluaciónLlevamos dos años asistiendo n’Asturies, y nun ye nenguna novedá, a la multiplicación de los Espedientes de Regulación d’Empléu, ERE. Los más nomaos, d’unos meses p’acá, son los de Venturo XXI o Chupa Chups, por poner namás dos casos.

Sicasí, esti mes tamos asistiendo n’Asturies a otru ERE más, que poles sos dimensiones merecía tener una repercusión pública muncho mayor, y ye l’ERE del enseñu públicu. Va cosa de cuatro años, llegóse na UE a un alcuerdu p’amenorgar la tasa d’interinidá na alministración pública, faciendo pa que nun perpasara’l 8% del total de la fuercia llaboral. La filosofía d’esi alcuerdu consistía en favorecer l’accesu d’esos trabayadores al empléu fixu, esto ye, a la condición de funcionarios de carrera, al traviés d’una ufierta arrogante d’empléu públicu. Nel casu del enseñu públicu asturianu, onde los interinos suponín el 20% de la fuercia llaboral, féxose a medies al traviés d’unes oposiciones más que ruines onde la ufierta fo tan probe que mui pocos fueron a sacar plaza. Y nesto que llega’l nuevu conseyeru y topa la solución perfeuta pa facer baxar la tasa d’interinos: echalos.

Entama’l nuevu cursu escolar y son unos 400 menos que l’añu pasáu. El dañu ye doble: pa la escuela pública que, con menos recursos humanos, va baxar na so calidá nun contestu de competición cola escuela privada que, curiosamente, ye tamién financiada con fondos públicos, pero sobre too pa los cientos de trabayadores que van fuera, la mayoría con munchos años d’esperiencia y que si nun tienen plaza tovía ye cenciellamente porque nun hubo oposiciones nes que poder sacala. Nun tienen cara, nun tienen nome, porque tán repartíos per tolos centros escolares d’Asturies y non concentraos nuna fábrica. La Conseyería diz qu’hai qu’aforrar, mentes gasta les perres nuna “carrera profesional” illegal que ye simple fonte de clientelismu. Menos mal que mos gobierna la “esquierda plural”.

Contestar

Deberíes tar autentificáu pa poder comentar.

Actualizaciones recientes

Comentarios más recientes