Faustino Zapico

Información

Esti artículu ye del 05 May 2009, y ta dientro de la sección L'Arcu de Texu, Les Noticies.

Etiquetes pa esta entrada

, , , , , ,

Fuelga Xeneral

Fuelga XeneralTa la derecha toa esprecetada porque los sindicatos mayoritarios nun entamen una fuelga xeneral. Y añaden hipócritamente la pregunta retórica ¿Ú los sindicatos? ¿Por qué nun tán na cai protesando escontra’l gobiernu?

N’Asturies y n’España fexéronse media dolcena de fuelgues xenerales dende l’añu 86 p’acá básicamente pa defendese de les agresiones de la patronal y los gobiernos del PP y -sobre too- del PSOE. Pa torgar miseries como’l Plan d’Emplegu Xuvenil de 1988, l’abaratamientu del despidu o les ETTs. Siempre a la defensiva, siempre intentando parar los golpes de les polítiques lliberales del PPSOE. Nun contestu de crisis internacional de la esquierda -de tola esquierda, tanto l’anticapitalista como la xestora del sistema- por falta d’alternatives creíbles dende 1990, lo único que quedaba yera intentar torgar les agresiones a los asalariaos y los tisoriazos al estáu del bienestar. En dellos casos algamáronse victories, cuasi siempre de curtia duración. N’otros, derrotes más o menos evidentes. Agora, si Zapatero nun s’atreve de momentu a meter l’hachu nos derechos sociales, ye evidente qu’UGT y CCOO nun van ebarcase nun proyectu que namás pue valir pa que llegue’l PP al gobiernu pa facer esactamente lo mesmo.

La fuelga xeneral tamién ye una ferramienta pa usar na ofensiva político-sindical. Ensin llegar a falar de fuelga revolucionaria pa baltar el sistema, como les 1917 y 1934 (ye de risa imaxinase a Toxo, a  Méndez, a Pino o a Rodríguez Braga xugando a revolucionarios), la fuelga político-sindical tamién pue sirvir pa defender na cai otra política económica basada en propuestes concretes, como sí fexeron UGT y CCOO a lo primero de los 90. ¿Ye eso necesario? Ye imprescindible. ¿Va facelo UGT y CCOO? Non. ¿Qué ye lo que queda? Entamar la movilización social por otra política económica, tanto n’Asturies como na UE.

Contestar

Deberíes tar autentificáu pa poder comentar.

Actualizaciones recientes

Comentarios más recientes