Faustino Zapico

Información

Esti artículu ye del 16 Aug 2008, y ta dientro de la sección Publicaciones.

Etiquetes pa esta entrada

, , , , , , ,

El nacimientu d´una nación. Historia de Sudáfrica

Sudáfrica, el Nacimientu d'una nación, Faustino Zapico. Ed. Araz LlibrosRepasar la historia de Sudáfrica durante los últimos sieglos ye percorrer un camín enllenu conflictos, guerres, invasiones y dominaciones. Probablemente esto sía aplicable a la casi totalidá de territorios del mundu nun periodu onde la humanidá caminó munches veces pel límite de la so propia supervivencia. Sicasí, una característica rescampla enforma na historia d’esti país africanu: la dominación d’una minoría, nesti casu blanca d’orixe européu, sobre la mayoría autóctona negra y sobre les minoríes non blanques d’emigrantes, una dominación que nun yera episódica nin quixo ser disimulada: foi la esencia mesma del estáu sudafricanu per más d’un sieglu.

Con ésta Historia de sudáfrica. El nacimientu d’una nación, l’historiador Faustino Zapico repasa la historia sudafricana dende que’l primer colonizador européu pisó estes tierres hasta’l final del apartheid. Un repasu rigurosu y críticu, como nun podía ser d’otra manera, amás de bien documentáu y estructuráu, nel que pue vese apaecer davezu la violencia, la represión ya la esplotación, pero tamién la esperanza, la llucha pola igualdá, la dignidá y la llibertá, pallabres éstes últimes coles que munches xeneraciones de sudafricanos suañaron, y qu’a la fin paez que tienen sentíu nuna nación qu’hai poco volvió a ñacer.

Mercar n’AsturShop

Contestar

Deberíes tar autentificáu pa poder comentar.

Actualizaciones recientes

Comentarios más recientes