Faustino Zapico

Información

Esti artículu ye del 07 Apr 2009, y ta dientro de la sección L'Arcu de Texu, Les Noticies.

Etiquetes pa esta entrada

, , , , , ,

Dimisión

Recicla a PSOE, PP, IU. Asturies agradéztelo. Ye un conseyu d'Izquierda Asturiana (IAS)Nun país onde creyeren de verdá nesto del sistema parlamentariu un gobiernu que fexera lo que faen l’español y l’asturianu nun duraba dos telediarios. Con un PSOE nes Cortes  que foi faciendo amigos no que va de lexislatura, y onde namás pue cuntar col apoyu más o menos estable de los 6 diputaos d’ERC, IU y ICV, yá que cuasi tolos demás (CiU, PNV, NaBai o BNG) salieron escaldaos o damnificaos de los sos pautos con él, y nun contestu d’agravamientu de la crisis, que la remodelación del gobiernu poco va tornar si nun cambia radicalmente de política, ye poco probable que l’actual lexislatura llegue a durar cuatro años, polo que les opciones son, d’equí a unos meses, disolver el parlamentu y convocar elecciones pa que les gane’l PP, al que se-y acaba de facer el grandísimu favor de formar el gobiernu del Frente Español en Vasconia, o bien la dimisión de Zapatero y la so sustitución por otru candidatu del PSOE que fuera quien a algamar más sofitu parlamentariu. La cuestión ye quién y con qué apoyos, porque la capacidá del partíu gubernamental pa vampirizar a los socios, mui útil a curtiu plazu, empieza agora a pasar factura.

N’Asturies ye paecío. El PSOE enanchó la so base parlamentaria gracies a la entrega d’IU, ganosa por volver al poder y por enanchar la resquiebra col PCA hasta llegar al puntu de non retornu. Sicasí, a menos de cuatro meses, el gobiernu paez escosáu y ensin idees. Rescamplen otra vuelta casos de corrupción y/o mala xestión, como’l sobrecoste del Musel, vuelve’l tic autoritariu del procónsul Trevín metíu a Harry el Gochu, multiplíquense los conflictos nos servicios públicos como Sanidá o Educación, agrávase la crisis y nin siquiera hai yá pa ónde emigrar… Nun país seriu la xente dimite. Equí…. tira, que llibres.

Contestar

Deberíes tar autentificáu pa poder comentar.

Actualizaciones recientes

Comentarios más recientes