Faustino Zapico

Información

Esti artículu ye del 25 Feb 2011, y ta dientro de la sección L'Arcu de Texu, Les Noticies.

Etiquetes pa esta entrada

, , , , , ,

Dictadores

Manifestaciones en Túnez en xineru del 2011¿Había una dictadura en Túnez? ¿Y otra n’Exiptu? ¿Y hai una en Libia, en Bahrein o en Yemen? ¿Dende cuando? Viendo la prensa o la tv da la impresión de que les dictadures del mundu yeren Cuba y Venezuela, fundamentalmente, y en segundu llugar Irán y Corea del Norte. Asistimos estes selmanes a una amuesa más de la hipocresía d’occidente. Cuando Ben Alí entamó la represión y llevaba díis matando xente peles cais de Tunicia, el gobiernu español, tan rápidu en condergar otres coses, callaba como un afogáu o “llamentaba” les muertes. Namás cuando echaron al sátrapa se dignó a abrir la boca. Lo memso pasó con Exiptu. El modelu de país árabe “moderáu” yera una dictadura corrupta y sangrina, y neso nun amosaba moderación nenguna, pero la so moderación y polo tanto el so certificáu de bona conducta venía dada pola so actitú combayona pa con Israel. Namás cuando

Mubarak yá taba en suelu salió la ministra Chacón, nun arranque d’hipocresía de llibru, a celebrar eses xornaes históriques de les que yéremos testigos.

Los partíos gobernantes en Túnez y Exiptu, el Reagrupamientu Constitucional Democráticu y el Partíu Nacional Democráticu -nomes falsos como pocos-, yeren miembros de la Internacional Socialista, la mesma del PSOE. ¿Descubrió la ministra de Defensa Chacón qu’esos partíos yeren l’aparatu políticu d’una dictadura namás qu’hai unes selmanes?

Anguaño arde Libia. Qadafi yera nos años ’80 un dictador corruptu y sangrín, un fantoche escéntricu que combayaba cola URSS. Dende hai diez años pasó a ser un serrespetable, amigu d’Europa y sociu comercial. Polo visto, yá nun yera nin dictador, nin corruptu nin sangrín hasta hai una selmana, en que la fola de rebeldía qu’atraviesa’l Magreb y Oriente Mediu llegó a les costes cirenaiques. Güei arde Libia, y la UE, como’l capitán Renault de Casablanca, descubre escandalizada que nesti local xuégase. ¿Cuándo descubrirá’l PSOE qu’en Marruecos tamién se xuega? ¿Y n’Afganistán?

Contestar

Deberíes tar autentificáu pa poder comentar.

Actualizaciones recientes

Comentarios más recientes