Faustino Zapico

Información

Esti artículu ye del 07 Oct 2010, y ta dientro de la sección L'Arcu de Texu, Les Noticies.

Etiquetes pa esta entrada

,

Desnudez

Recicla a PSOE, PP, IU. Asturies agradéztelo. Ye un conseyu d'Izquierda Asturiana (IAS)Una de les poques coses pa les que ta valiendo l’actual crisis capitalista ye pa poner a la esquierda delantre l’espeyu y vela -venos- na so absoluta desnudez. Venti años depués del esbarrumbe del socialismu rial n’Europa Central y del Este, la esquierda anticapitalista sigue ensin atopar un proyectu viable y ilusionante, magar que d’unos años p’acá hebia dellos “brotos verdes” en forma d’espresiones como La Esquierda d’Alemaña en medio de tanta paya seco. D’otru llau, de les otres cañes de la esquierda, la que tovía se fai llamar socialdemócrata amosó que nun ye quién, o que nun s’atreve, que pal casu ye igual, a facer una política estremada del neolliberalismu. Cuando nos USA hasta Obama intenta recuperar un mínimu keynesianismu, la socialdemocracia europea dedícase a callar como afogada o a aplicar encantada les polítiques d’axuste que faen cargar sobre los más probes la crisis ensin nenguna garantía de que la situación nun vuelva a repetise, yá que los problemes estructurales siguen ensin tocar. P’acabar, el Partíu Verde Européu yá amosó lo que da de sí: política económica igual que los demás, pacifismu namás que cuando se ta na oposición y ecoloxismu solo lo xusto como pa nun incomodar a les grandes corporaciones.

Equí, igual o pior. IU vota en Madrid a la escontra de los recortes sociales y n’Asturies diz que va abstenese na Xunta cuando equí l’axuste ye pior, yá que ye la suma del central -d’obligáu cumplimientu, que pa eso tamos nun estáu centralista- más los recortes que diseñó’l gobiernu de la esquierda plural. El so gran ésitu negociador ye que van xubí-y l’IRPF a les rentes de más de 90.000 euros. DE tol gastu innecesariu, como’l Muselón, nin falamos. Esta ye la esquierda que tenemos, la que mos dexa desnudos pa que nun-y veamos la so desnudez.

Contestar

Deberíes tar autentificáu pa poder comentar.

Actualizaciones recientes

Comentarios más recientes