Faustino Zapico

Información

Esti artículu ye del 19 Dec 2011, y ta dientro de la sección L'Arcu de Texu, Les Noticies.

Etiquetes pa esta entrada

, , , , ,

Derecha

Bipartidismu“Vieno la derecha” ¿Cuándo colara? “Llega’l neolliberalismu” ¿Y esto qu’había qué yera? “Van recortar los sueldos de los funcionarios” ¿Nun los recortara’l PSOE n’España y el PSOE-IU n’Asturies? “Van privatizar la educación” ¿Acasu estos nun subvencionaron la rede privada que competía cola pública? “Van metenos n’otra guerra como la d’Iraq” ¿Afganistán y Libia fueron romeríes? “Van abaratar el despidu” ¿Quién lo fexo primero? “Van privatizalo too” ¿Más? “Van gobernar pa la banca” ¿Pa quién gobernó Zapatero?

Ceremonia de la hipocresía cola victoria del PP. Resulta qu’agora vien l’apocalipsis. Y ye verdá que vien, pero diba venir igual ganara PSOE o PP. Los que salen nun quixeron facer l’axuste duru que desixe la oligarquía porque sabín que diben perder les elecciones igual. Agora va facelu’l PP. Yá tien rozáu’l camín, coles politíques lliberales del PSOE, la deslexitimación de lo público, la domesticación (tovía más) de CC.OO. y UGT, la reforma constitucional amagostada y l’adoctrinamientu na doctrina Thatcher: el TINA (There Is No Way). “Nun queda otra”, ye l’argumentu estrella pa desmontar la oposición a la que mos vien encima.

¿Con qué lexitimidá va ximielgar agora’l PSOE la bandera de la llucha escontra los recortes? ¿Y CC.OO. y UGT, ciegos y mudos dende va cuatro años, quitando una fuelga xeneral que-yos salió meyor de lo qu’esperaben y que s’encargaron de perder nuna selmana cuando’l gobiernu anunció que nun diba recular na contrarreforma y nun gorgutaron?

Yá puestos, lo meyor ye que mos gobierne directamente Angela Merkel. Que mos ponga un virrei, si fuera posible que nun seya de Goldman Sachs como Monti, Draghi o Papadimos. Pero va ser muncho pidir. Tendremos, como tenemos, un gobiernu marioneta que creemos qu’eleximos. La solución, o ye colectiva o nun ye. L’alternativa, o ye sistémica o nun ye.

Contestar

Deberíes tar autentificáu pa poder comentar.

Actualizaciones recientes

Comentarios más recientes