Faustino Zapico

Información

Esti artículu ye del 20 Jun 2011, y ta dientro de la sección L'Arcu de Texu, Les Noticies.

Etiquetes pa esta entrada

, , , , ,

Comunistes

Bombardear civiles en Libia nun ye terrorismu, si lo fai la OTAN. Xustificar los GAL, o el franquismu, nun ye terrorismu si lo fai el PSOE, el PP o la RAH. Qu’un ciudadanu espelurciáu y esprecetáu porque’l so equipu de futbol gane, o pierda, esgoncie una farola, un caxeru automáticu o un bancu del parque ye constitutivo d’un delitu de daños. Que lo fagan otros, si son comunistes, ye un delitu de terrorismu. Esto ye lo que tamos viendo estos díis cola detención y la busca y captura de nomaos militantes comunistes del PCPE.

Vemos lo que pasó n’Islandia, lo que ta pasando en Grecia y lo que va pasar en Portugal. Nel Reinu d’España entama un ciclu de movilizaciones, de les que’l 15M nun ye otro que l’aniciu, previsiblemente al marxe de sindicatos del réxime, y hai mieu de que l’asuntu se despelurcie. L’añu 2012 va ser caliente, mui caliente, independientemente de qué partíu del turnismu gane les elecciones xenerales.

D’otru llau, el procónsul –perdón, delegáu del gobiernu- ve que se-y acaben los meses nel cargu y quier dexalo too cola sensación de ser un duru ente los duros. Lleva años faciéndolo, deteniendo indiscriminadamente, dando palos al que se mueve. Y agora toca criminalizar la disidencia. ¿Per ónde empezar? Per onde siempre. Pelos comunistes.

Quien conoza la tradición comunista persabe lo poco amiga que ye d’acciones de sabotax aisláu, ayenes a la llucha de mases. Les acusaciones sobre estos militantes fieden a montax o a metedura de pata policial que tiren p’atrás. Pero que pretendan faceles pasar por actos terroristes y con ello xulgables na Audiencia Nacional ye una de les babayaes más gordes que se sintieron en munchu
tiempu. Trevín quier pasar a la Historia como l’Elliot Ness d’Asturies y va facelo como’l superintendente Vicente de la TIA. Si-y sal bien nun va parar, y yá lo dicía Brecht: Primero vinieron polos comunistes, pero yo como nun lo yera, nun fixi nada. Pues eso.

[Publicao en Les Noticies 17/06/2011]

Contestar

Deberíes tar autentificáu pa poder comentar.

Actualizaciones recientes

Comentarios más recientes