Faustino Zapico

Información

Esti artículu ye del 22 Dec 2011, y ta dientro de la sección L'Arcu de Texu, Les Noticies.

Etiquetes pa esta entrada

,

Carta Mínima

33 años de Constitución. 33 años del colofón de la fábula de la Santa Transición. 33 años d’aquella obra tan perfeuta, tan curiosa y tan bona que nun podía reformase ensin abrir la caxa de Pandora. Ceremonia de besamanos y adulación vasallática en La Zarzuela. Hai coses que nunca cambien.

Yá señalara Joan Garcés, ente otros, qu’una de les característiques más graves pero menos sulliñaes polos críticos de la Constitución del 78 yera’l so calter postnacional, que la facía una de les primeres lleis fundamentales de la era de la globalización. Ye un testu blindáu pa dientro, que nun permite ceder soberanía pa les sos instituciones subestatales, que niega l’autodeterminación y pon al exércitu como garante de la unidá del Estáu, pero que pon munchu menos rixu en ceder la so soberanía a les instituciones supraestatales que mos gobiernen, como la UE. Ye una Constitución ad hoc pa la integración europea. Por eso les dos úniques reformes constitucionales qu’hubo nestos 33 años fueren p’afayase al Tratáu de Maastricht y, la más reciente, pa cumplir les órdenes de la exa París-Berlín.

Perpetraron na seronda una reforma los dos partíos turnistes, escenificando asina lo fácil que ye y lo poco que-yos importa, y encima pa poner un corsé neolliberal que torgue tovía más la posibilidá de facer una política económica alternativa. Esti foi el gran regalu del PSOE al PP, y l’amuesa definitiva de qu’esto ye la sosaña de la España de Cánovas y Sagasta. Y agora celebren el 33 aniversariu colos discursos de siempre, más güecos y más falsos que nunca, mientres sal d’escena’l teloneru pop y llega l’actuación estrella del rock duru lliberal. ¿Ye l’actual Constitución una barricada de la democracia frente al neolliberalismu, como ye’l casu d’Italia? Nin lo ye nin lo foi nunca ¿Carta Magna? Non, Carta Mínima.

Contestar

Deberíes tar autentificáu pa poder comentar.

Actualizaciones recientes

Comentarios más recientes