Faustino Zapico

Información

Esti artículu ye del 02 Sep 2009, y ta dientro de la sección L'Arcu de Texu, Les Noticies.

Etiquetes pa esta entrada

, , , , ,

Aniciu de cursu

Xixón Meyor ensin MuselónEntama’l cursu políticu y con él vuelven les asignatures pendientes del anterior. Siguen ensin igua los conflictos plantegaos va meses, como los EREs indiscriminaos, les amarraces colos trabayadores del enseñu y la sanidá, y los culebrones como’l del Muselón. Lo único pa que valió’l cursu anterior foi pa constatar que lo qu’estrema un gobiernu del PSOE en solitario d’otru del PSOE con IU ye que nel segundu casu tien mayoría parlamentaria abonda como pa que naide lu balte na Xunta Xeneral, y si a eso-y añadimos que’l PP ta a otres coses, que nun se sabe cuáles son, topámonos con que n’Asturies nun esiste la oposición parlamentaria, y que les úniques voces que se sienten contra’l modelu o polo menos contra les polítiques qu’emanen d’él son les de les organizaciones sociales y les de la esquierda que nun se resigna.

Otra vuelta, la crisis capitalista mundial va usase como sida perfeuta pa xustificar les llacerioses polítiques del gobiernu. Pero que los trabayadores del enseñu y la sanidá tean engarraos col gobiernu nun ye culpa de la crisis, sinón de la so mala xestión. Que tranquen les empreses que fueron subvencionaes con arrogancia pol Principáu colos fondos europeos nun ye tanto pola crisis como pola despelurcie inherente a eses polítiques de subvencionar a los afines ensin pidir cuentes. Que’l Musel dispare los costos yá de por sí descomanaos y encima intenten timar a la UE nun ye culpa de la crisis sinón de la corrupción pura y dura. Esta ye l’Asturies que tenemos, y la que ye ca vuelta más urxente cambiar. El 8 setiembre tien que dexar de ser el Día de la Pación Asturiana (pación que pagamos toos pa que pastien cuatro) y pasar a ser el día de la conciencia colectiva d’un pueblu fartu.

Contestar

Deberíes tar autentificáu pa poder comentar.

Actualizaciones recientes

Comentarios más recientes