Faustino Zapico

Información

Esti artículu ye del 17 Jun 2009, y ta dientro de la sección L'Arcu de Texu, Les Noticies.

Etiquetes pa esta entrada

, , , , , , , , , , ,

A qué espera?

¿A qué espera la megaconseyera Ana Rosa Migoya pa dimitir depués de cubrise de gloria cola reciente sentencia de la carrera profesional? Ye lo que tien querer mandar en tolos sitios, que cuando vienen mal daes hai qu’apoquinar coles consecuencias.

Hai dos años, mui cerca de les elecciones autonómiques de 2007, el gobiernu de la “esquierda plural” sacó de la chistera la idea de la “carrera profesional”, pela que se-y pidía a los funcionarios del Principáu que firmaren un compromisu cola mesma a cambiu d’un fatáu de perres. Nel enseñu públicu, ufríase a tolos funcionarios fixos con más de cinco años d’antigüedá cubrir un impresu a cambiu de 2.400 euros. ¿Qué dicía esi impresu? Nada. ¿A qué comprometía? A nada. Firmar y cobrar. Tan fácil como eso. FETE-UGT y ANPE fexeron campaña ente’l profesoráu pa que firmara. SUATEA, CC.OO. y CSI-CSIF, la mayoría de la representación sindical, a la escontra. Más del 90% del profesoráu firmó y garró les perres ensin saber qué se-yos pidía de contrapartida. Los sindicatos mentaos anantes, y la CSI, y USIPA, y la UNA, fueron a los tribunales, yá que la medida yera evidentemente illegal, amás de discriminatoria.

Esti cursu Migoya sacó de la manga la “evaluación del profesoráu”, que nun tenía nada que ver cola carrera profesional, yá que yera obligatoria pa tolos funcionarios fixos, firmantes o non, anque la megaconseyera mintió nos medios diciendo xusto lo contrario col envís d’encismar a la opinión pública escontra’l colectivu docente. Y agora llega la sentencia que balta la carrera. ¿Qué va facer el gobiernu? ¿Obligar a los que cobraron a que devuelvan les perres, poniéndolos de pates? ¿Pagá-yla a tolos demás, encarándose con esa opinión pública qu’ellos mesmos encismaron escontra los funcionarios? Esta vuelta cayeron na so propia trampa.

Contestar

Deberíes tar autentificáu pa poder comentar.

Actualizaciones recientes

Comentarios más recientes