Faustino Zapico

Información

Esti artículu ye del 05 May 2010, y ta dientro de la sección L'Arcu de Texu, Les Noticies.

Etiquetes pa esta entrada

, , , ,

25m

La Xunta Xeneral d'Asturies declárase soberana, 25 de mayo de 1808Fo un 25 de mayu de 1808. La Xunta Xeneral proclamaba la so soberanía, entamaba un exércitu, declarába-y la guerra a Francia y unviaba embaxadores a Gran Bretaña. Al pocu, creábase la bandera asturiana como símbolu d’esi ente soberanu. Daquella había un pueblu llevantáu: Fueron les muyeres, los estudiantes, los artesanos, los obreros, los campesinos, los fuercia motora del motín del 9 de mayu y de la insurrección de la nueche del 24. Había tamién una conducción política digna d’esi nome: frente a la mayoría de los diputaos de la Xunta, medranosos énte’l pueblu el 9 de mayu y medranosos énte’l gobiernu militar francés en Madrid el día 11, hubo un grupo de valientes encabezaos por Flórez Estrada que supo ponese al frente d’un pueblu dignu.

Mayu de 2010. Aparte de la bandera y el nome del parlamentu, poco más hai en común con aquella Asturies de 1808. En plena crisis y col axuste neolliberal furrulando, con 80.000 paraos y en plenu recorte de derechos sociales, nun hai un pueblu llevantáu, sinón medranosu de lo que pue venir. Demasiaos años d’anestesia per parte de les organizaciones históriques qu’organizaron a les clases subalternes. Tampoco hai una conducción política, nin digna d’esi nome nin digna, cenciellamente. Medrana de Madrid, medrana de la UE, medrana de la banca, medrana de perder el duernu. Güei, como ayer, hai quien xuega al discursu rebalbu desmentíu polos fechos al otru día. A amagar y nun dar. A nun s’arriesgar. Nun sería grave d’haber un pueblu movilizáu y una conducción alternativa. ¿Ye imposible? Non, ye revesoso. Más lo yera en 1808. Frente a la cobardía, valor. Frente a la dulda, decisión. Asturies merez más que’l futuru que mos diseñen dende fuera col aplausu de munchos de dientro. Como en 1808. Como siempre.

Contestar

Deberíes tar autentificáu pa poder comentar.

Actualizaciones recientes

Comentarios más recientes